नई दिल्ली (युवा क्रांती वृतसेवा) : बिहार विधानसभा निवडणुकीत एनडीएला मिळालेल्या भव्य विजयाच्या पार्श्वभूमीवर शुक्रवारी सायंकाळी पंतप्रधान नरेंद्र मोदी दिल्लीतील भाजप मुख्यालयात दाखल झाले. मुख्यालयात पोहोचताच त्यांनी गमच्छा लहरवत कार्यकर्त्यांना अभिवादन केले. पंतप्रधानांच्या या उत्साहपूर्ण स्वागताला कार्यकर्त्यांनीही जल्लोषात प्रतिसाद दिला.
प्रचार मोहिमेदरम्यान मुजफ्फरपुरातील सभेतही मोदी यांनी गमच्छा लहरवत जनतेशी संवाद साधला होता. त्यांचा हा व्हिडिओ मोठ्या प्रमाणावर सोशल मीडियावर व्हायरल झाला होता. पंतप्रधान मोदी यांनी विविध प्रसंगी गमच्छा लहरवत संदेश देण्याची पद्धत यापूर्वीही अनेक वेळा पाहायला मिळाली आहे.
एनडीएच्या विजयानंतर भाजप मुख्यालयात आजचा हा क्षण उत्साह, आनंद आणि कार्यकर्त्यांच्या आत्मविश्वासाने भरलेला दिसला.
