जळगांव (युवा क्रांती वृतसेवा) : शहरात 23 वर्षीय नवविवाहितेने आत्महत्या केल्याची धक्कादायक घटना समोर आली आहे. मयुरी गौरव ठोसर हिने सासरच्या जाचाला कंटाळून लग्नानंतर अवघ्या चार महिन्यात आयुष्याची दोर कापली.
मयुरी गौरव ठोसर हिचा विवाह 10 मे रोजी जळगांव येथील सुंदर मोती नगरातील गौरव ठोसर याच्याशी पार पडला. 10 सप्टेंबरला लग्नाला बरोबर चार महिने पूर्ण झाले त्याच दिवशी सायंकाळी मयुरीने टोकाचे पाऊल उचललं.मयुरीच्या लग्नात साडेपाच लाख रुपयांचा हुंडा दिल्याचं आई-वडिलांनी सांगितलं. इतकंच काय, तर लग्नाचा हॉल लहान नको म्हणून मोठ्या हॉलची मागणीही त्यांनी पूर्ण केली, गुलाबजामचा हट्टही पुरवला, मात्र त्यांच्या अपेक्षा वाढतच चालल्याचा आरोप आहे.
पाच लाखांचा हुंडा
मयुरीच्या लग्नात साडेपाच लाख रुपयांचा हुंडा दिल्याचं आई-वडिलांनी सांगितलं. इतकंच काय, तर लग्नाचा हॉल लहान नको म्हणून मोठ्या हॉलची मागणीही त्यांनी पूर्ण केली, गुलाबजामचा हट्टही पुरवला, मात्र त्यांच्या अपेक्षा वाढतच चालल्याचा आरोप आहे.
हळदीच्या कंपनीसाठी आठ लाखही दिले
मयुरीचे वडील भागवत बुडुकले यांनी सांगितलं की, आठ ते दहा दिवसांपूर्वीच हळदीच्या कंपनीसाठी मी त्यांना आठ लाख रुपये दिले होते. मी त्यांना आठ लाखांचे सोने करुन देतो सांगितलं, मात्र त्यांनी व्यवसायासाठी आठ लाख रुपयांची आवश्यकता असल्याचं सांगितल्यामुळे मयूरीच्या वडिलांनी तेही दिलं होतं.
नातेवाईकांसोबत बैठका निष्फळ
तीन वेळा नातेवाईकांच्या बैठकी झाल्या, जावई तिन्ही वेळा आम्हाला आश्वासन देत होता की आम्ही यापुढे मुलीला चांगलं वागवू, पण त्यावर पाणी फिरलं. मयुरीला तिच्या आईने घरी आणलं, तिचा हॉस्पिटलचा खर्च एकदा 22 हजार, तर कधी पाच-पाच हजार आला, असंही तिच्या वडिलांनी सांगितलं.
पप्पा तुम्ही जास्त विचारु नका
माझी मुलगी मला जास्त माहिती सांगत नव्हती, पण ती एकदा म्हणाली, की पप्पा तुम्ही फोनवर जास्त बोलत जाऊ नका, मी तिथे आल्यानंतर सर्व सांगेन, किंवा तुम्ही पाच-सात दिवसानंतर माझ्या घरी या, मी तुम्हाला सर्व माहिती सविस्तर सांगेन, पण मयुरी आमच्यातून निघून जाईल.
भावाचे धक्कादायक आरोप
मयुरीच्या भावाने सांगितलं की, मयुरीचा मोठा दीर गणेश ठोसरचा आधी घटस्फोट झालेला आहे. तरीही तो माझ्या बहिणीशी अश्लील वर्तन करत होता. तिने मला वारंवार फोनवरुन सांगितलं, मात्र मोठा दीर आणि भावजयीमध्ये असं नातं असल्यामुळे मस्करी करत असेल, असं म्हणत मी दुर्लक्ष केलं. मात्र, त्याची वर्तणूक खराब होत गेल्याचा आरोप भावाने केला आहे.
वाढदिवसाच्या दुसऱ्या दिवशी आत्महत्या
धक्कादायक म्हणजे आदल्या दिवशी, ९ सप्टेंबरला मयुरीचा वाढदिवस होता, माहेरुन पैसे घेऊन तो साजरा केला, त्याच्या दुसऱ्याच दिवशी तिने टोकाचं पाऊल उचलल्याने कुटुंबाला मोठा धक्का बसला आहे.
वडिलांची मागणी
पोलिसांनी माझ्या मुलीच्या आत्महत्येची निष्पक्ष चौकशी करून तिचा नवरा, मोठे दीर, सासू-सासरे यांना फाशीची शिक्षा झाली पाहिजे, ही मागणी मयुरीच्या वडिलांनी केली आहे.
- शेगावमध्ये भव्य हिंदू संमेलनाचे आयोजन; ४ फेब्रुवारीला सकल हिंदू समाजाचा एकजुटीचा निर्धार
- मराठवाड्यातून ‘दुष्काळ’ शब्द पुसून टाकणार; वॉटर ग्रीड प्रकल्पाला गती – उपमुख्यमंत्री एकनाथ शिंदे
- अर्जुन ढगे यांची जिल्हा सहसचिव पदी नियुक्ती; संग्रामपूर तालुका ग्रामरोजगार सहाय्यक संघटनेच्या वतीने भव्य सत्कार
- आज होणार स्व. अजितदादा पवार यांचे “पवित्र अस्थीकलश दर्शन” | शेगाव
- अजित पवारांच्या निधनानंतर मुख्यमंत्री देवेंद्र फडणवीसांनी २२ जाहीर सभा रद्द केल्या
