जळगाव जामोद | (आक्श बोरसे) जळगाव जामोद पोलीस ठाण्यात दाखल असलेल्या अल्पवयीन मुलीशी संबंधित पोक्सो प्रकरणात पोलिसांनी २२ वर्षीय तरुणाला अटक केली आहे. शेख तस्लीम शेख कल्लू (वय २२, रा. नागझिरी, बहापूर, मध्यप्रदेश) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, या प्रकरणी जळगाव जामोद पोलीस ठाण्यात अप. क्र. ५४४/२०२६ अन्वये भारतीय न्याय संहिता २०२३ मधील कलम १३७(२) तसेच पोक्सो अधिनियम २०१२ मधील कलम ८ व १२ अंतर्गत गुन्हा दाखल करण्यात आला आहे. संबंधित घटना २५ ऑगस्ट २०२६ रोजी सकाळी सुमारे ११.३० वाजता घडल्याचे पोलीस नोंदीत नमूद आहे. त्यानंतर २८ ऑगस्ट २०२६ रोजी दुपारी ४.३४ वाजता गुन्हा दाखल करण्यात आला.
तपासादरम्यान पोलिसांनी शेख तस्लीम शेख कल्लू याला ३० सप्टेंबर २०२६ रोजी सकाळी ८.१० वाजता अटक केली. अटकेची प्रक्रिया नियमानुसार पूर्ण करण्यात आली असून आरोपी पोलिसांच्या ताब्यात असल्याची माहिती नोंदीत आहे. अटकेची माहिती आरोपीचा भाऊ शेख अमीन शेख कल्लू (वय २९, रा. नागझिरी, बहापूर, मध्यप्रदेश) याला देण्यात आल्याचेही पोलिसांनी नमूद केले आहे.
ही कारवाई ठाणेदार सचिन बागुल यांच्या मार्गदर्शनाखाली पोलीस उपनिरीक्षक जिवन सोनवणे यांनी केली. प्रकरणाचा पुढील तपास जळगाव जामोद पोलीस करीत आहेत.
दरम्यान, अल्पवयीन पीडितेची ओळख कायद्याच्या तरतुदीनुसार गोपनीय ठेवण्यात आली आहे. (युवा क्रांती वृत्तसेवा)
