विश्व हिंदू परिषद व बजरंग दलाची मागणी
संग्रामपूर (आकाश बोरसे):अकोला जिल्ह्यातील गुलजारपुरा येथे 13 वर्षांच्या अल्पवयीन हिंदू बालिकेवर तोहीत समीर या विकृताने अमानुष अत्याचार केल्याची घटना अत्यंत दुःखद आणि संतापजनक आहे. या घटनेचा संग्रामपूर तालुक्यात तीव्र निषेध करण्यात आला. आज सकाळी 11 वाजता तहसील कार्यालय संग्रामपूर आणि पोलीस स्टेशन तामगांव येथे विश्व हिंदू परिषद व बजरंग दल यांच्या वतीने निवेदन देण्यात आले.
या वेळी सकल हिंदू समाजासह विश्व हिंदू परिषद व बजरंग दल, संग्रामपूर प्रखंडाचे पदाधिकारी आणि कार्यकर्ते मोठ्या संख्येने उपस्थित होते. सर्वांनी एकमुखाने मागणी केली की आरोपीला कठोरातील कठोर शिक्षा मिळावी आणि भविष्यात अशा विकृत घटनांना आळा घालण्यासाठी प्रशासनाने तातडीने ठोस आणि प्रभावी कायदेशीर कारवाई करावी.
कार्यकर्त्यांनी प्रशासनाला इशारा दिला की अशा घटनांकडे दुर्लक्ष होऊ नये आणि समाज सुरक्षित राहावा यासाठी कायद्याची कठोर अंमलबजावणी आवश्यक आहे. (युवा क्रांती वृतसेवा)
- Jalgaon Jamod : पोक्सो प्रकरणातील २२ वर्षीय आरोपीला अटक; जळगाव जामोद पोलिसांची कारवाई!!
- Shegaon : शेगावात नकली नोटांच्या व्यवहारातून फसवणुकीचा प्रयत्न; ५ लाखांच्या बनावट नोटा देण्याचा आरोप!!
- MNS News : पंचनाम्यातून शेतकरी वंचित राहू नयेत; मनसेचे तहसील प्रशासनाला निवेदन!!
- Buldhana :बुलढाणा जिल्हा रुग्णालयात दिव्यांग प्रमाणपत्रासाठी ऑनलाइन प्रणाली सुरू; १ ऑक्टोबरपासून ऑफलाइन प्रक्रिया बंद!!
- Shegaon : पंतप्रधान नरेंद्र मोदी यांच्या वाढदिवसानिमित्त पहुरपूर्णा येथे ‘आंगण का मिलन’ उपक्रम उत्साहात!!
